無綫藝員江美儀、莊思敏與堪輿學家李居明昨晚現身新光戲院，出席《李居明妙論天下》見面會，該節目將於樂視播映。李居明表示於無綫做風水節目後反應不錯，ViuTV亦有接洽他。問新節目於樂視播放會否影響他與無綫及ViuTV合作？他表示不擔心。
有份主持該節目的江美儀由於是無綫合約藝員，她坦言未清楚如何處理：「TVB好大方，唔會咁小器，我呢啲小演員唔會搞着佢嘅。（通知咗TVB？）唔使通知啦，係人都知。（TVB藝員亮相另一電視平台。）公司嘈先算啦，一係叫個節目唔好影我個樣囉，我唔會放棄呢個節目，因為李大師好錫我，係難捨難離。」同樣與無綫有合約的莊思敏被問會否與樂視合作？她表示一切以無綫為主。
