羅嘉良掛住囡囡未諗再拍港劇
藝人羅嘉良（撈家）、李佳芯（Ali）、鄭俊弘（Fred）及車婉婉昨日到清水灣郊野公園，拍攝無綫劇《與諜同謀》。撈家受訪時表示正式煞科：「呢個外景之前因大雨改期，我拍埋今日戲份完晒。返咗嚟幾個月，個女成日問：『爸爸，甚麼時候回來？』（想同蔡少芬合作？）要睇時間，始終我老婆同女都喺北京。」
雖然天氣酷熱，但Fred仍有十多位女粉絲到場探班。Fred說：「我嚟到，佢哋已經喺度。佢哋咁遠嚟到，我盡量滿足佢哋要求。（索吻你都肯？）唔得，影相同簽名啦！」Ali則自爆情緒低落：「我基本上集集喊，情緒都受影響。（想挑戰鍾嘉欣喊包地位？）唔係，每個人演繹方法唔同。（男友陳炳銓投訴你鬧情緒？）我呢排係比之前靜咗啲，少咗約朋友食飯，會約番同諗住學現代舞。（男友都學？）冇分男女，有朋友想學都可以一齊。」
