陳敏之做姊妹收6位數開門利是
楊怡、羅仲謙表示會找吳卓羲、王浩信、陳敏之和馬賽等做兄弟姊妹團，敏之昨日接受訪問時稱：「伍姑娘（伍詠薇）一定係頂酒，佢最飲得，以我熟悉嘅羅仲謙係好唔飲得，叫佢嗰日食定解酒丸啦！」她又笑言當日要收6位數字開門利是。
自認處男下海做「兄弟」的卓羲稱：「講落都有啲驚驚哋，我第一次做兄弟。不過佢兩個結婚，我一定要出一分力。」提到陳敏之要收6位數字開門利是，他即笑謂：「佢兩個副身家加埋你知唔知有幾多呀？唔好同羅仲謙講錢，6位數字佢梗係冇問題啦！佢一嚟畀7位數字班姊妹真係冇嘢講呀！」浩信則稱謙仔當年擔任他的兄弟團，故今次會瞓身幫謙仔：「我哋梗係一條龍服務啦！佢叫我哋頂乜就頂乜，不過聽到伍姑娘同敏之呢兩個名時都好有壓力。」
