JW開騷恨邀人夫陪唱

歌手JW(王灝兒)昨日到電台宣傳新歌,接受訪問時表示將於8月底在九展舉行首個售票音樂會。問到嘉賓方面,JW即興奮說:「未落實!如果請到鄭中基就好喇!佢唱歌真係超好聽!(想合唱?)希望啦!或者佢坐台下已經好好,佢o係度我會唱得好o的!」音樂會將於今日優先訂票,她笑言不少親戚朋友已舉定手買飛支持。談到音樂會主題圍繞不同階段的傷痛,JW笑言希望可以找到紙巾贊助商,還表示已經開始減肥,希望肌肉可以更加結實:「全公司都陪我減,連經理人個女都話一齊減!」