黃光亮爆粗撩陳煒錄歌
藝人陳煒和黃光亮因拍無綫劇《火線下的江湖大佬》成好友，早前在宣傳活動上為慈善合唱一曲《只有情永在》後，黃光亮心癢癢再「撩」陳煒合唱，日前更走入錄音室錄歌，在陳煒慫恿下，黃光亮以過氣大佬mood並開口爆粗「乜X嘢」，為歌曲掀起序幕。這首「粗口版」《只有情永在》的版權由黃光亮擁有，他笑言稍後會放上網分享，延續《火》劇餘溫。
他倆今次再度合唱更加合拍，雖非職業歌手，但有登台經驗的陳煒表現淡定，她說：「黃光亮教我用番劇中『傻冧』（蘇佑琳）個腔去演繹，錄咗兩、三次就完成，好滿意！」黃光亮坦言游說多次才邀得合唱：「多謝佢唔介意我講粗口影響形象，佢叫我講句粗口先唱歌呢部分，事前冇夾過o架！（你唔怕影響形象？）我有X形象咩！（打造過氣江湖情侶組合闖樂壇？）又唔拘，我好鍾意唱歌。」
《火》上周五大結局錄得最高收視28點，而外購劇《琅琊榜》收視仍未見突破，整周收視平均為19.7點。無綫企業傳訊部副總監曾醒明稱：「呢套劇睇少1、2集就追唔到劇情，同睇開無綫劇嘅觀眾口味好唔同，我哋會加強鏡面宣傳，例如安排許廷鏗等出席宣傳活動。」