為了儲錢開餐廳，William定下10項「不能做」的規條，每日僅花50蚊過日子。
1 唔搭的士 「我通常會坐巴士而唔搭的士，如果目的地係步行30分鐘內到達，就直情行路。」
2 戒食零食 「我一空閒就口痕想食零食，所以令自己工作忙啲就唔會得閒去諗食零食。」
3 謝絕消夜 「之前去韓國學廚學咗好多嘢，自己會整得好好，仲好豐富，咁就唔會想食high tea或消夜。」
4 親自下廚 「有時間我會自己買餸下廚，唔會貪方便出去食。」
5 減少應酬 「我會盡量唔去應酬，咁就可以慳多啲錢。」
6 買衫免問 「我真係可以成年唔買衫，因為我平時着嚟着去都係嗰幾件衫。」
7 冇晒娛樂 「我覺得睇戲同唱K係好額外嘅嘢，呢啲娛樂免得過就免。」
8 自己揼骨 「我有時好攰都會想做腳底按摩，但為咗慳錢，自己幫自己揼吓就算。」
9 放棄至愛 「我不嬲都鍾意打機，但要節制，唔去買game嚟玩。」
10 運動抗病 「因為病咗要花錢睇醫生，咁我惟有休息多啲、多啲運動，咁就慳番醫藥費。」