林李婉冰銀碟開餐升值五萬

名媛林李婉冰昨日出席由28日至31日於會展舉行的國際古玩展，並透露有收藏著名銀器：「我有一大疊銀盤同碟，係拎嚟裝嘢食用，唔係投資。有隻以前買落嘅碟萬三蚊，依家升值到五萬。」

問到女兒林嘉寶是否同樣愛古玩？她表示女兒大學政治系畢業，但被丈夫反對做相關工作，現時於著名拍賣行做：「佢每日對住億億聲嘅珠寶，睇到厭，依家都讀緊珠寶鑑證。（有否拍拖？）暫時唔好，專心工作，見識吓先，要有知識先教到小朋友。」她透露母親節女兒送了銀器燭台及她喜愛的花束，令她十分開心。