鄧鉅明自認金童 拒做羅密歐

太子珠寶鐘錶集團主席鄧鉅明及太太鄧宣宏雁，前晚欣賞音樂劇《羅密歐與茱麗葉》。問到二人的愛情是否像故事般至死不渝？鄧生笑言：「我情願做金童玉女，呢個故事結局大家都明（悲情）。我哋係金童玉女，郎才女貌。」鄧太冧爆附和：「我哋要拖手到老。」問到父親節會否下廚煮大餐？鄧太大賣關子：「我度緊其他嘢。」鄧生續說：「去啲特價嘅地方二人世界。（平時食開貴嘢，食平啲？）係。」提到其公司鎮金店25周年，鄧太透露將到台灣辦大型派對，因在當地有20多間分店。同場還有前無綫藝員曹眾及老公陳京，兩人帶同五歲大囡囡到場，趁機教囡囡藝術。