甄子丹為氹細路出走9個月
「宇宙最強」甄子丹早前在外地忙於拍攝電影《星戰外傳》及《3X反恐暴族3》，已回港的他笑言參演《星戰》只因子女喜歡而必須要接拍，又自誇將要遠赴倫敦補戲，可能拍得太好加戲份，十分幽默！
甄子丹昨晚與太太汪詩詩及時裝設計師何國鉦等一同出席茶葉活動，談到父親節如何慶祝？剛回港不久的子丹表示將不在港，未能與子女共度：「過兩日要飛日本做嘢，遲啲又要過倫敦為《星戰》補戲，我表現唔失禮（口架），可能覺得我拍得太好要加我戲！」
不想錯過親子樂
子丹表示因為同時接拍《星戰》及《3X反恐暴族3》兩片，跟子女分開了九個月，不想再錯過跟子女慶祝節日的時光。問到會否減少接戲賺錢，以便陪家人？他說：「唔係為錢，拍《星戰》係因為仔女鍾意所以我必須要拍，而《3X反恐暴族3》少華人角色，有代表性，我覺得幾驕傲！」
楊洛婷未有喜訊
同場的藝人楊洛婷身穿黑色露肩裙擔任司儀，對於早前上載生日照，被網友指她發福疑有喜，她澄清還未有好消息：「可能大家好心急，呢排因為生日食多咗，肥咗少少，好多人話恭喜我，所以我一星期健身六日。（生日願望是否造人成功？）呢個係老公嘅願望，7月我仲有個旅行，畀我玩埋先啦。（下半年全力造人？）造人呢樣嘢係好舒服，唔應該有壓力，要好好享受過程，如果唔享受，講咩生仔，唔應該為生而做。」更反問記者覺得「造人」舒不舒服？大講有味笑話！又透露老公送了粉紅色茶壺給她，自言是老公的cup of tea，大晒恩愛！
文：名人組