張曦雯晒3點式貝兒酸爆
藝人張曦雯（Kelly）、陳貝兒在無綫新節目中遊歐洲睇名牌，題材華麗璀璨，但畫面都不及Kelly三點式上陣歎spa吸睛，她笑言這是最性感演出！同行的貝兒大表羨慕，帶定泳衣show quali的她有備而來卻「冇得解放」，真的同人唔同命。
藝人陳貝兒和曾擔任明珠台主持的張曦雯（Kelly），昨日為無綫節目《有種品味叫米蘭》宣傳，二人儲足彈藥前往歐洲購物，因忙於拍攝沒有機會shopping而大失所望。節目中她倆介紹不少名牌，大大滿足女性的購物欲，還享用高級酒店的spa。
喪食增磅前功盡廢
Kelly為了浸spa，事前特別減肥，望以最Fit狀態示人，未料行程中嘗盡美食胖了不少，在最後兩日才拍泳裝，可謂前功盡廢：「去歐洲我好鍾意食芝士、意粉、火腿，之前減咗肥都冇用！（着三點式歎spa畫面好吸睛喎？）係我最性感嘅演出喇！」此行Kelly雖未能瘋狂購物，卻有機會去勻瑞士、意大利和法國等地遊玩，可謂最大收穫，她說：「可揸車周圍去，又有機會滑雪，意大利係我第一次去，好開心，好似夢想成真。（同男友去？）唔係，同朋友咋！（節目介紹咁多名牌，怕被指炫富？）都有擔心，所以我盡量講廣東話！」
要向監製問點解
眼見Kelly可大晒泳裝成為焦點，貝兒羨慕不已，原來事前貝兒都有減肥，亦準備泳衣作出鏡之用：「但監製最後都冇安排我泳裝上陣，好失望囉！我都要問點解。（收穫？）都想買鞋同手袋，但冇時間，有錢都無用武之地。（擔心節目炫富？）我哋都係着重品味而非單一花費買嘢，揀自己啱嘅嘢先買。」
文：影視組