程芷渝動L明狂咬耳仔High到咀?

最近人氣急升的「動L明」戴耀明，前晚與o靚模程芷渝及數名友人現身中環的酒吧消遣，一行人坐在吧枱位置談談笑笑。酒吧內有不少穿上性感比堅尼的索女表演泳衣騷，向來騷慣身材的程芷渝亦主動上前交流心得，不停研究比堅尼女身上的泳裝，見她和索女傾得興起玩到癲，竟二話不說出手向其中兩名洋妞施以「胸襲」，直接觸摸對方的豐滿胸部！見洋妞毫不介意，其後更大方除下小背心讓程芷渝拼上身。

兄弟姊妹相稱

玩完一輪後，程芷渝帶埋成班性感女返回座位和戴耀明影大合照，被大批靚女包圍的「動L明」今次未有一展「動L」實力，影完相即繼續和程芷渝舉杯暢飲，見兩人全程身貼身坐，又不時頭貼頭兼咬耳仔，戴耀明更被氹到頻頻開懷大笑，兩人傾得興起向前大笑時，更差點嘴對嘴錫錫！

程芷渝伸手托比堅尼女的胸部，睇嚟對Cutting好有興趣。	放大圖片	摸完一個，程芷渝再摸埋另一個比堅尼女胸部，對方仲除埋小背心畀佢拼上身！

及至發現記者，兩人即一臉愕然，問到是否拍拖？戴耀明即耍手擰頭說：「唔係，我哋一向都好好朋友，我當佢兄弟嚟！」身旁的程芷渝即笑說：「咩兄弟呀？我哋係姊妹！」

放大圖片	放大圖片	程芷渝湊近耳邊密密斟，氹到戴耀明笑騎騎！

文、攝：追蹤組