高鈞賢做展昭推百萬真人騷
藝人高鈞賢昨日接受電台訪問，近年主力在內地發展的他透露下月將到內地橫店三個月拍攝劇集《包青天》，他說：「我會做展昭角色，其實傾咗好耐，知好多人爭做呢個角色，今次好幸運。（中間會唔會返港？）唔會喇，會帶多啲底褲去。」
過去兩年在內地拍攝多套叫好又叫座劇集的高鈞賢承認工作量大增，問到酬勞是否三級跳？他說：「之前有個真人騷想我拍，有成七位數酬勞，不過撞咗《包青天》個期。（見財化水？）唔可以咁講，套劇有150集，暫時會拍50集，平均一集都有五位數。」已有物業的他坦言有意再置業，他說：「未知香港定內地買，曾經留意過北京啲樓。（女友跟埋你返大陸？）佢都想跟o架。」