陳敏之搵老公試新招密密造人
藝人張兆輝、陳敏之、江美儀、阮兆祥和王君馨等演出的瘋狂性喜劇《性在有情》昨日舉行記者會，一班藝人以睡衣造型上陣並大玩床上遊戲，每對都自動波擺出「女上男下」招式。在劇中學識不少性知識的敏之，坦言學以致用，與老公試盡不同招式希望生仔，席上她為宣傳更豁出去，穿超短褲的她在床上玩遊戲時更險走光。
藝人張兆輝、陳敏之、阮兆祥、江美儀、王君馨、陳華鑫和沈震軒等，昨日為瘋狂性喜劇《性在有情》之「引人入性」宣傳活動，在酒店大玩性愛的「女上男下」招式，該劇將於myTV SUPER獨家優先點播。
江美儀「濕晒」
張兆輝與敏之這對劇中夫婦坦言最愛爆房，最高紀錄為拍攝咀足一夜；阮兆祥則笑言與美儀玩盡性愛32式，兼開工第一天便搞到美儀「濕晒」，事後美儀補充是因為當日要不停跑來跑去出汗所致，話題樂而不淫。向來性感的君馨，為配合劇中「性上癮」的喜好，故造型性感，以低胸吊帶睡衣外加絲質外套輕露「事業線」，表現誘惑。
在劇中飾演性治療師的陳敏之，拍攝前有點忌諱性話題，但新劇擔正女一當然豁出去，解除心魔接受角色需要，大膽談性，她昨日受訪時坦言學了不少性知識，學以致用，與老公感情更進一步：「我同老公試晒所有學番嚟嘅動作，其實行房時都有唔舒服，依家學識好多動作，可以同另一半配合，感情仲好咗！（咁好快有BB？）有成績會盡快公布！（動作控制生男生女？）呢樣嘢要問輝哥！」
咀足一晚
於劇中演社工的張兆輝，則稱性別應控制在食物上，個人則不傳統，比較愛生女，講到生B秘技，他說：「講到生就應該順其自然，唔刻意就會有！（你都會再追多個？）絕對唔會，我好滿足現狀，唔會貪一時之快搞出下一代而令人煩惱！」由於此劇有不少親熱場面，問二人可擔心另一半收看時尷尬？張兆輝說：「唔會尷尬，工作嘛！（男人拍親熱戲尷尬過女人？）我哋最高紀錄搞足一晚不停咀，係嗌休息先唔使咀，但拍得開心輕鬆，不過有得揀寧願拍武俠片好過！」
文：影視組