陳國峰：「我啱啱入行嘅時候就認識佢，我結婚佢都有嚟飲，最後一次見喺上個禮拜，一個朋友嘅婚禮上面，當時佢完全冇任何異樣，個人仲好開心，冇話有乜嘢疾病，好難接受。」
邵音音：「佢係一個開心果，好開心，知道佢套網劇已經拍完，太傷心，佢係一個開心人，令到人哋個個都開心。」
湯寶如：「嗰日（上月出席黃百鳴生日會）識佢，佢畀我印象係好開朗，大家傾得好投入，又交換電話又影相，突然收到佢嘅死訊，好難接受！」
李蕙敏：「上個月先喺黃百鳴生日Party見過，好突然，人嘅生命好脆弱！佢係好開心嘅人，印象中佢好開朗，大家聽到呢個消息都覺得好可惜，失去咗一個朋友！希望佢安息！為佢唸經、祈禱。」