姊妹袁潔瑩短敍成永訣：仲約下次食飯……
羅明珠入行不久便與陳加玲、袁潔瑩、李麗珍及羅美薇等組成「開心少女組」，青春逼人，當年頗受宅男歡迎，如今羅明珠猝死，「開心少女組」成員之一的袁潔瑩於上月在黃百鳴生日派對上見過羅明珠：「好突然，好難接受！之前見佢都好精神、好靚，仲約下次幾時食飯再聚。唔知點解會咁，好可惜！希望佢家人節哀！」她直言眼中的羅明珠是一個非常開心的人。問到對方是否有隱疾？她說：「唔知道，亦唔會揣測，等佢家人去講，會Keep住問百鳴哥，睇吓有咩需要幫忙。」
另一「開心少女組」成員、同樣於上月在黃百鳴生日派對上見過羅明珠的陳加玲大感突然，她說：「聽到好愕然，佢係一個好開心，好鍾意笑、好健談嘅人。（佢有冇同你講減肥？）冇，我哋只係Say吓Hello咁，唔係傾好多嘢。（當年同佢合作，有冇難忘事？）佢係一個傻大姐，鍾意熱鬧同鍾意同好多朋友一齊。（佢走得咁突然會否覺得人生無常？）好早已經覺得，因為我信佛教，好多嘢最緊要放得低，希望佢家人節哀順變！」
