成功減肥十多磅周美鳳：佢話好少食藥！
羅明珠多年前曾因身體失調，令身形一度肥腫難分，經半年針灸才好轉，近年更經常以面尖尖自拍。不過，有指她因決定復出幕前，最近嚷着要減肥，結果不幸猝逝。近年經常在飯局與羅明珠碰面的賈思樂接受訪問時直言，四日前才跟對方見面：「當時佢仲好似平時一樣，嘻嘻哈哈咁！佢仲高興咁講成功減咗十幾磅，我唔知佢用乜嘢方法減肥。如果真係心臟病離世，唔知同呢樣嘢（指減肥）有冇關係，總之呢個消息對我嚟講，非常震驚！」
與羅明珠相識多年的公關名媛周美鳳直言仍未能接受好友離世的消息：「我今朝知道即刻喊咗出嚟！」還讚明珠為人有義氣，人緣亦好。提到有傳羅明珠是死於心臟病，周美鳳指好友十分注重健康，只是容易有小病：「佢唔煙唔酒唔捱夜，又唔食魚生！（有傳佢食減肥藥？）以前有聽過佢食減肥藥，我仲叫佢去做運動啦！佢就話自己係好少食，唔使擔心。」
藝人陳琪與羅明珠亦相熟，幾日前才見過對方：「收到佢嘅死訊都好錯愕，大家傾偈知佢有減肥，但又唔覺佢瘦咗好多，佢好似搞緊網劇，想用最佳狀態示人。」另一藝人莊思明亦上載一張跟羅明珠的合照，提及對方復出一事，她說：「之前見到佢仲好好哋，仲好開心話要復出拍電影，點知突然間就走咗。」
