泳兒與男友鬧意見爭廁買定痰盂

歌手泳兒（Vincy）前晚在新碟音樂分享會中跟監製大談做歌經過，並獻唱新歌。受訪時她透露新碟會出黑膠碟，已出過兩張黑膠碟的她笑言其實一直沒有黑膠唱盤：「未睇啱，屋企又冇位擺。」之後她自爆租住一年多的單位收到業主通知要一個月內搬，她又要為搬屋煩惱：「因為業主都畀人迫遷，所以諗住收番嚟住，我直情晴天霹靂，我好鍾意個單位，背山面海又有天台，收信嗰日仲要啱啱添置新傢俬。」

一個要大一個要靚

現時Vincy既要搵樓又要執嘢，大呻睇樓很煩：「我嘅要求係大、開揚、又養到狗，每日睇樓行到腳就斷，我有睇北角半山嗰啲，但慣咗一落樓就有嘢食，嗰度冇，所以仲未睇中。」她承認男友Ziv有一起睇樓，問到是否已同居？Vincy說：「我兩邊走，之前我同屋企住，但因練歌嘈到家人，所以我哋一齊租咗個大單位。（同男友睇樓意見夾唔夾？）少少唔夾，我實際啲，睇大細，但佢睇裝修，好似前幾日睇咗個有平台、但房細嘅單位，佢可以為咗裝修捨棄空間，但我以空間為先，例如如果得一個廁所，佢肚痛去一個鐘，咁我又肚痛咁係咪要買定個痰罐（痰盂）？」

先買樓孝順父母

幸好兩人平時生活習慣都夾，各有自己工作間，問Vincy何不選擇買樓？她表示今年會先買給父母：「希望媽咪出院後可以住，希望做到業主。（唔一齊住？）驚做嘢會嘈到佢哋，想住近佢哋就得。」為此，她要更努力工作，買樓給父母之餘亦自置物業，不用經常搬屋。

文：音樂組