鄧宣宏雁聽老公話慳啲使!!
太子珠寶鐘錶主席鄧鉅明太太鄧宣宏雁昨日出席慈善活動，向來與鄧生非常恩愛的鄧太，已鬼馬出口術叫三位兒仔自動自覺準備父親節慶祝節目，並坦言自己要秉承鄧生節儉的美德，不花費買禮物便是給對方最好的佳節禮物。
鄧鉅明太太鄧宣宏雁、粵劇名伶蓋鳴暉及吳美英等，昨日出席保良局慈善粵劇晚會《天賜良緣》宣傳活動，擔任總理的鄧太表示平時在奶奶聽粵曲時會一起聆聽，但坦言因自己不是香港人，故不太懂得欣賞：「我覺得呢樣藝術係值得推廣，係香港本土文化，所以我都盡量去學聽。（有興趣學唱？）我廣東話都唔正，學會艱難啲，等我學好啲廣東話先。」
出口術叫仔諗節目
談到下月父親節的慶祝活動，鄧太透露未有跟三位兒仔強調節日即將到來，但已乘機出口術叫囝囝自動自覺準備節目。問到鄧太會否亦買禮物送給鄧生？她坦言要秉承鄧生節儉的美德：「佢依家叫我買少啲嘢，唔買嘢就係最好嘅禮物，依家經濟差，大家要慳啲使，我哋都要節儉啲。」
蓋鳴暉出力籌款
至於與保良局合作籌款活動超過20年的蓋鳴暉，透露自己就算7月要開新劇，亦樂於度期撐6月21日的慈善工作，並謂雖今年善款數字較往年差，但仍要盡自己責任，出力令善款積少成多：「如果你唔行出第一步，連一毫都冇埋，攞得一蚊得一蚊，攞得一百得一百。」
文：名人組