諸葛訪牛津《哈利波特》食堂開餐

身為娛樂公司老闆的名媛Marie有意將其公司在歌影視三棲發展，故不時在北京、新加坡及香港三地打理業務，早前更遠赴英國公幹。她抽空到家喻戶曉的電影《哈利波特》系列取景的高級學府牛津大學遊覽作考察，其中《哈》片選作拍攝魔法學院學生用餐場景的牛津大學內的基督教堂學院餐廳，更是Marie最喜歡的地方之一。她笑言當日有不少學生在餐廳用餐，令她猶如置身《哈》片中，彷彿妙麗在她身邊外，期間更有一名身高超過六呎的外籍男學生主動上前集郵。

見路就衝 唔識返屋企

回到校園，令Marie回想昔日在加拿大讀書的日子，笑言當年嗜好是飆車！她笑說：「我性格好男仔頭，16歲一考到車牌，就成日同班男仔鬥車，我仲識得改車！有次好似拍戲咁，揸車時喺紅燈位，隔籬車個司機撩我飛車，二話不說即場鬥車，見路就衝，見Highway就上，最後梗係我贏咗啦！但最好笑係，原來我係去咗一個未去過嘅城市，要打電話問朋友先識路返屋企。」

諸葛專程參觀牛津大學，感受當地的文化氣息。	逾六呎的外籍男士邀諸葛合照。	「妙麗」與「哈利仔」於牛津大學的食堂拍攝。

人大了，Marie已不像當年愛飆車，但飛車經歷令她煉成不放棄的性格。她謂：「依家大個咗當然唔會飛車，我亦都唔鼓勵大家危險驚駛，道路安全非常重要。不過飛車係令我提高專注力同大膽，即係凡事只要肯去嘗試，就算結果失敗，起碼有寶貴嘅經驗，唔好輕易放棄。」

想送囝囝去英國讀書

Marie又指兩歲的兒子薛華韜遺傳了其愛車因子：「有次佢話想揸車，我話要考到車牌先可以揸車，點知佢反問點樣有車牌之外，仲話要去考。佢雖然細個，不過思維好有邏輯，本來我打算安排佢去美國讀書，但係今次英國之行，充分感受當地嘅濃厚文化氣息。英國人言談舉止都好有修養，相反美國文化係隨意啲，所以我都改變想法，安排囝囝將來喺英國讀書。」

文：專案組