陳嘉桓 周嘉莉 鍊車晒腿散熱
藝人陳嘉桓（Rose）、阮頌揚（Brian）及周嘉莉（Rachel）日前在冼國林帶領下到西樵山國藝影城試玩小型賽車，細細粒的周嘉莉原來相當大膽，猶如女賽車手上身，精湛的駕駛技術，再加上一招極速飄移，令Rose和Brian嘆為觀止。
地方大玩足一日
由於當日天氣酷熱，Rose穿涼浸浸的露膊衫及熱褲，與着連身短裙的Rachel齊齊晒腿，既可愛又性感。Rose大讚影城地方大，足夠玩一日。她笑言：「呢度好大，有好多值得參觀嘅地方，要行勻成個影視城起碼要花一日時間。」Brian則指影城的靚景，早已被不少電影公司睇中，選為拍攝場地。他謂：「好多劇組都會嚟呢度取景，謝霆鋒同葛優依家正喺大笪地拍攝新戲《鋒味江湖之決戰食神》。」而Brian有份演出、即將上映的電影《上山吧！兄弟》亦是在此拍攝。
冼國林引以為傲
影城由冼國林精心打造，他直言花了不少心思：「城內一磚一瓦我都有份參與，最引以為傲嘅係香港街，《葉問──終極一戰》天台嗰幕就係喺呢度拍。」
文：影視組