Gin Lee出韓版碟 學定韓文冧歌迷
歌手Gin Lee（李幸倪）加盟環球首度推出的新碟《beGin》，銷量節節上升，新歌《月球下的人》繼《雙雙》後同樣勇奪多個音樂榜冠軍，在YouTube點擊率更超過100萬，令她十分感動：「第三首派台歌《光環》，希望再有好成績。」
Gin再接獲喜訊，繼張國榮、陳奕迅後，她的大碟《beGin》將會推出韓國版，她驚喜地說：「從來冇諗過自己啲唱片會出韓國版，好意外同好開心，對我係莫大嘅榮幸，亦都係對自己嘅肯定，希望可以快啲去韓國做宣傳、演出，我會學吓韓文同當地歌迷溝通。」當然更希望有機會與韓國歌手合作。