廖碧兒掟百萬工廈做煮

華姐冠軍出身的廖碧兒，2011年毅然離開效力十載的娘家無綫，轉戰內地火速賺得幾桶金，並有足夠彈藥向商界發展，於美、法等地釀葡萄酒，作慈善拍賣及比賽，她亦成功考取品酒師牌，年前更於中環開酒吧。而家族曾於加拿大開餐廳的她，對飲食業的野心未止。

運煙熏爐大陣仗

一次偶然機會，碧兒與友人談起想念外國煙熏食物，友人大膽地建議投資中央廚房，她說：「喺加拿大出世同讀書，本身鍾意食steak同burger，外國好興食煙熏嘅，但香港嘅餐廳基本上係要去買番嚟，或者運過嚟，未必係你想要嘅味道，可以話係冇自己煙熏呢個service，亦冇設施去做煙熏。」

由於這門生意乃一項大投資，從工場選址到食材等也不能草率，單是靈魂——煙熏爐已近100萬元，還要特地從美國訂購，但碧兒與家人商量後認為有得做，最後選址香港仔工廈開設工場，她透露前期花了不少時間，尤其運送煙熏爐認真被考起：「個爐好大，可以同一時間放5隻燒豬入去，當初送個爐嚟要喺外面吊上嚟，好在呢度唔係好高咋！」

廖碧兒投資開設的中央廚房，主攻製作煙熏食物。	自家製香腸	呢個美國訂購的煙熏爐，價值近百萬元！

親自監察煮食過程的廖碧兒自信地說：「我哋可以好專業咁畀到客戶想要嘅味道！」	煙熏牛腩三文治	手撕豬肉漢堡

味道獨一無二

幾位股東對食材的豐富知識，加上本身的人脈，令碧兒減少很多不必要的煩惱：「有朋友喺外國有農場，會提供肉類畀我哋，三文魚會用人工養殖，其實睇個客要求啲咩，無論係肉、魚、湯，仲有甜品都可以做到獨一無二。（想做呢方面一姐？）唔好咁講，梗係想做到最好。」她更指工場會不定期舉行有限度的肉類及酒類試食日，收費則按分量而定。

廖碧兒自家品牌白酒煙三文魚	中央廚房提供的煙熏食物種類多多。	放大圖片

碧兒透露現時主力向星級酒店及私房菜供貨，訪問當日，工場要向一間餐廳的派對提供食物，員工將大批龍蝦去殼及烘乾，準備熬製龍蝦湯，碧兒與兩位股東於現場監察，問到下一步是否開餐廳？她笑說：「遲啲先諗，呢度都未回本！」

Profile

店舖名稱：Crft Pit

開業：2015年底

面積：3,000呎

投資：逾百萬元（裝修費、煙熏爐）

租金：10萬元

員工：10人

文：影視組