藝人朱慧敏昨日到電台受訪，早前返內地登台的她直認商演好賺，又大讚觀眾熱情。談到日前劉亦菲在內地做宣傳時，被狂粉以「打欖球式」飛撲落地，朱慧敏說：「咁我唔着高踭鞋啦，着平底鞋可以跑跑跳跳，我都學過跆拳道嘅。」
曾與她一齊拍《愛．回家》的莊思明（Lisa）跟楊明拍拖，朱慧敏恭喜說：「咁咪好囉，阿明係好仔，Lisa係好女仔，希望佢哋開花結果。」她稱想再拍劇：「想做啲十三點，或者開心嘅角色，帶多啲熱情畀觀眾。」
