阮兆祥牛一享齊人之福
藝人阮兆祥前晚舉行棟篤笑尾場，圈外女友Crystal、阮媽媽、好友湯盈盈、文頌嫻、梁靖琪、《溏心風暴》劇中演員李司棋、米雪、關菊英、監製劉家豪等撐場。祥仔並邀陳小春做嘉賓，合唱掀起高潮。昨日是祥仔生日，完場前一眾好友上台與他切蛋糕慶生，攬住媽咪的祥仔說：「生日最重要身邊有你，係你最痛苦一日，一切榮耀歸於你。」搞到阮媽媽爆喊，祥仔感謝幕後團隊時亦流下男兒淚。
祥仔在騷上自爆：「《溏心風暴3》又嚟喇！」騷後他稱：「之前同劉家豪食飯，佢叫我預明年二、三月個期畀佢，希望可以齊晒人再拍，《溏心》系列大家有目共睹，我哋演員有個群組，都已經差唔多十年，大家好似一家人咁，會互相問候。」
