黃智雯飛Bra虐打袁偉豪
黃智雯為無綫新劇《三個女人一個「因」》再度擔任「女一」，她在劇中同時飾演三重性格，孭重飛的她演繹狂野豪放角色時更搏到盡，不惜真空上陣兼飛Bra！更要喪打袁偉豪，令他傷痕纍纍。
無綫藝員黃智雯、袁偉豪、陳智燊及黃淑儀等昨日在將軍澳電視城為無綫劇集《三個女人一個「因」》拜神，黃智雯指角色會不時突變狂野和暴戾出手打袁偉豪，對方除了捱摑更被她抓傷胸肌和鼻子。袁偉豪笑謂享受被黃智雯掌摑：「佢成日失驚無神打埋嚟，又唔係好痛，我都有啲被摑上癮。」黃智雯笑說：「有啲對唔住佢女友，因冇留手，下下真摑，試過連續摑4、5巴。」袁偉豪則說：「有次拍完塊面都好似腫腫哋。」問傷痕纍纍有否被女友投訴？他說：「之前已經備案，我收工時佢都瞓咗，所以冇投訴。」
尷尬大解放
黃智雯又透露劇中變身狂野角色時有幕飛Bra戲，當時要真空上陣，但在工作人員面前如此解放也感尷尬。隨後，她接受電話訪問談到最近以性感打扮在機場拍攝狂打袁偉豪的戲份，她說：「變身狂野角色係有少少暴力傾向，場戲講我喺機場搗亂，狂打袁偉豪，搞到佢遍體鱗傷。」她又指狂野角色最不喜歡戴Bra，當發現有戴Bra會即脫掉。
《爸B》聽候發落
此外，黃智雯與陳智燊主演的劇集《爸B有話兒》三度被抽起，黃智雯說：「演員立場已盡最大努力，相信公司安排一個最好嘅時間出街。」而陳智燊則稱：「有少少驚訝，我希望劇集會喺暑假出街。（擔心唔播？）唔擔心，聽李思捷同監製講都話套劇OK。（監製有冇講原因？）冇，一陣見到佢問吓，公司劇集咁多存貨，換都係正常。（有指劇集質素唔夠打仗？）冇聽過。」
《爸B》監製潘嘉德被問到劇集抽起原因？他說：「唔知，應該因應時間編排，係節目部負責。（劇集質素唔夠打仗？）唔好講呢啲，我每套劇都過得自己、過得人，依家都冇打仗，好和平。公司決定得一定係經過深思熟慮，我一定撐公司，拍咗一定會出街。」
文：影視組