周秀娜踩花心舊愛地底泥

與Stephy、樂基兒(Gaile)、孫佳君與何傲兒等出席開鏡儀式的周秀娜(Chrissie),獲劇組送上壽包補祝前日生日,又透露有不少朋友請食生日飯,還自爆收到追求者的禮物:「送咩就留喺心入面!暫時未有適合嘅對象。(有幾多個追求者?)唔講有幾多個啦!」談到戲中涉及多角關係,可有勾起回憶?Chrissie坦言已成過去變地底泥:「都勾唔起o架啦!已經埋葬喺泥底,依家等待緊小苗。(追求者呢?)相處吓先,多啲時間去了解,要睇吓對方有冇心思去發展。」

至於相隔12年再拍電影的Gaile透露,戲中飾演女飛虎,笑言冇得着靚裙:「冇靚女樣,但係都有打戲,所以會Train吓。」問到相隔多年再拍戲,酬勞是否上升不少?她直言沒有,因為在電影方面經驗尚淺。