酒紅色的心 品出個性！
阿倫家中設置兩大一小的酒櫃，亦會將部分酒放在朋友的酒倉，當中收藏不少名酒：「真係唔捨得飲o架！啖啖都係錢嚟！法國人視酒如藝術品去欣賞，佢哋係飲一啖再食啲嘢慢慢享受，搖吓搖吓，又聞又盛先一啖，係用欣賞角度去飲，唔係『咕咕咕』倒落肚，要劈酒，買啲用嚟煮餸嘅紅酒劈啦！」
不同酒代表男人不同階段，阿倫用紅酒來形容自己，具有Character（個性）：「喺唔同嘅地方出產嘅葡萄、用唔同嘅木桶釀製，都有唔同處理方法，做出唔同嘅酒出嚟，我覺得好千變萬化。」
至於最佳品嘗紅酒方法，是否聽着阿倫的金曲《酒紅色的心》？阿倫邊唱邊說：「係呀！紅酒、紅酒、紅酒，梗係啦！最正啦！直情係三倍享受，即係Taste到、聽到同聞到。」