MarcoChan施髮術執靚桂莉芙

國際頂尖髮型師Marco Chan，曾為金像影后桂莉芙白德露（Gwyneth Paltrow）、奧瑪花曼（Uma Thurman）、姬摩絲（Kate Moss）及伊蓮娜（Irina Shayk）等打造髮型。Marco透露當年於倫敦讀設計，其後才專攻髮型設計，並在倫敦髮型屋由學徒做起：「我跟咗個好出名嘅師傅，由低做起，幫啲荷里活明星整頭，之後再到倫敦、意大利、法國的時裝騷。一場騷動用百幾個模特兒，一個人要整十個頭。每日最少做三場，由清晨五點到晚上九點，好癲！啲大師做嘢好detail、好講究，差唔多每日都被人鬧，但鬧都係為件事好。」

讚「老佛爺」唔惡頂

亞洲人在歐洲工作絕不容易，Marco打滾多年，連時裝界「老佛爺」Karl Lagerfeld的騷亦參與不少，問到Karl會否難相處？他說：「同出名嘅大師合作，雖然好多時只有佢講，但佢會好清楚話到畀你聽佢哋要啲咩。」問到為明星做髮型時是否由他做主導？Marco說：「做過好多荷里活星，佢哋好多都冇乜所謂，好似桂莉芙鍾意以舒服髮型為主，鍾意直髮，要出嚟效果畀人感覺舒服健康。佢哋通常都好尊重同信任你，因在搵你之前已睇過你嘅往績。」

Marco曾為名模伊蓮娜打造髮「型」。	星級髮型師Marco	奧瑪花曼

回流香港尋接班人

Marco亦是首位亞洲髮型師曾為《全美超模大賽》任髮型指導，他謂：「係好大project，凌晨四點起身，但同啲模特兒一樣唔知做咩，好靠即場反應，時間又趕，冇得畀你慢慢諗。我做嗰次仲要喺美國同英國模特兒crossover，出嚟效果都好好玩。」擁豐富經驗的Marco決意回港發展，將所學傳授他人：「想畀啲感染力同行，可能有啲人想去歐洲學，但又冇錢，我鐘意做教育，將自己喺外國學到嘅嘢帶番嚟亞洲。」

Profile

－為Vivienne Westwood、Stella McCartney等品牌任髮型師

－為美國愛滋病研究基金（amfAR）慈善宴會的官方御用髮型總監

文：名人組