Twins挑戰公安叫跳舞
組合Twins前晚在廣州開騷，相隔五年再在內地開騷，廣州站一萬二千張門票甫開售已被秒殺，創下今年廣州演唱會票務最強紀錄。現場的歌迷high爆欲企起身跳舞為公安所阻，Twins大膽挑戰公安，叫fans一齊起身跳舞！
Twins前晚在廣州舉行《#TWINS#LOL#世界巡迴演唱會#》，鍾欣潼（阿嬌）媽媽、蔡卓妍（阿Sa）父母及祖母有到場支持。今次巡唱，在香港演唱會用過的巨型升空架亦有運到現場，故大會特地為她倆買重幾千萬保險。
演唱會除了有萬人大合唱外，不少歌迷high爆想起身跳舞，卻被公安阻止，Twins見狀忍不住出言，大膽挑戰公安：「我哋難得15周年大派對，唔好理咁多，大家一齊起身跳舞啦！如果佢哋唔畀你企，你咪扮坐低，之後又再起過身囉！」
臨完場前，全場歌迷起身跳舞狂歡，全場high爆！
慶祝15周年
由於最近剛發生劉亦菲被男狂迷衝上台推跌事件，Twins卻說不怕歌迷衝上台，阿Sa自爆有類似經歷，幸助手眼利，由後台衝出拉走狂迷，阿嬌則對歌迷及保安充滿信心！上周三（18日）是Twins成立15周年的日子，當日她們跟歌迷一起切蛋糕慶祝，阿Sa開心15年來阿嬌一直在身邊，阿嬌亦向阿Sa講：「我愛你。」
文：音樂組