莊思明楊明「蜜」遊返港分頭走

藝人莊思明與楊明早前被本報踢爆戀情，但無阻二人甜蜜！楊明日前到吉隆坡工作，思明即任「跟得女友」飛往當地相伴，順道探望雙親。前晚他們雙雙返港，不過卻玩低調前後腳出閘，戴上口罩的思明拖住一車行李率先現身，問到為何不與楊明一起出閘？她撒嬌地說：「我自己放假去咋！（冇拍拖咩？）有抽時間一齊食餐飯。（順便見家長？）唔講啦！（覺唔覺得發展太快？）唔講呢啲嘢啦！（有冇Set定好日子結婚？）你哋實知啦！自己就冇諗，突然見到你哋好驚！」談到被拍得與楊明在街頭親熱，思明尷尬表示下次會檢點些，更否認等待男友齊齊返家。