張智霖睇中做「新抱仔」？
年僅8歲的小妹妹譚芷昀（Celine）加盟蕭定一旗下，一眾師兄師姐都非常雀躍。在簽約儀式上與Celine合唱新歌《女神》的鄭欣宜，大讚小師妹的歌藝出眾：「有喺網上睇過佢唱歌嘅片，聽聞點擊率好高！今日同佢合唱，之前一直冇時間練，係到場先即席練咗陣，都幾有板有眼！記得我喺佢呢個年紀時，只係知自己鍾意表演，到13歲先知係鍾意唱歌，希望佢繼續努力！」而王宗堯則希望與Celine合作拍電影。
至於大師兄張智霖（Chilam）原來今年2月已曾與小師妹合作，齊齊擔任頒獎嘉賓！當時Celine笠高帽，激讚Chilam靚仔，氹得他笑騎騎，更揚言要介紹她與囝囝「魔童」認識，莫非想Celine做新抱仔？
