黑帶王嘉慧起飛腳踢窒泰拳達人

名模貝安琪（Ankie）與藝人王嘉慧（Jessica）應吉隆坡電視頻道Life Inspired及泰國旅遊局的邀請到當地拍攝特輯《Lady's Journey》，呼籲女性8月時去泰國遊玩，片段將於全球播放。瑜伽導師Ankie與曾拍攝英皇電影《一個人的武林》的「武林好手」王嘉慧於片中介紹當地文化風俗之餘，又於廟宇附近踩單車，來到這個熱帶度假勝地，當然不忘以水着示人！

曾贏跆拳道金牌

Jessica於11歲開始學習跆拳道，17歲取得黑帶，亦參加過跆拳道協會比賽奪得金牌，平時亦有打泰拳。今次獲安排與重量級訓練員對打，Jessica坦言笑料百出：「因為跆拳道主要攻同踢腰以上，而泰拳係攻腰對下位置，我一嚟就踢去對方個頭，差啲踢到佢，佢仲笑我一嚟就咁勁。」她又透露稍後返內地拍電影，飾演女警並有不少動作場面，更會與內地人氣演員李易峰及廖凡有對手戲。Ankie則以瑜伽洗滌心靈。

王嘉慧打得又睇得，穿上泳衣再嚟海棠側睡，血已噴！	王嘉慧唔止踢得，出拳亦有板有眼。	王嘉慧一嘢踢埋去，嚇到拳手個心離一離。

拍攝後變好姊妹

提到拍檔Ankie，Jessica表示事前並不認識：「我睇過佢做《巨輪》，今次一齊拍攝11日，大家因為『鬼妹性格』所以相處得好好，佢都好照顧我。而Ankie係食齋，我就好鍾意食肉，所以食飯時大家都鬧出好多笑話。」

文：影視組