容祖兒改口風讚「衰佬」叻仔

歌手容祖兒日前因不知道男友劉浩龍在澳門養馬而撒嬌鬧男友「衰佬」，她昨日出席品牌活動，問到「衰佬」劉浩龍在「520」可有表示？她甜笑指會低調處理感情事，但大讚男友有心思，自己則比較「大頭蝦」：「我唔係唔着重時節，係平時已經表現得好好！（咁佢有咩表示？）唔講得，佢叻仔嚟嘅，改口風，其實個稱號（衰佬）都幾好、幾大時代，唔係一個貶義詞囉！」她指男友沒有做馬主，暫時以工作為先。她又透露本月28日在澳門開騷，場地設有四面台，現正與李克勤努力練結他。