吳業坤唔認狠飛Aka

歌手吳業坤、許廷鏗、泳兒、蔡思貝、陳庭欣及蔡國威等，昨日在尖沙咀出席慈善活動《萬眾同心公益金》記者會。提到組合Super Girls成員、緋聞女友趙慧珊（Aka）日前受訪時暗示被「四眼男」在生日狠飛，有網友猜測正是指吳業坤，他說：「之前已經講過好多次，呢件事係個誤會，我當年做訪問答得唔好，答出嚟有誤導性，真係要講聲對唔住。（你講緊對方貪錢嗰件事？）係呀！之前都解釋過，我其實係講自己嘢，我哋從來都冇承認過拍拖，大家係好朋友。（有冇Hurt過對方？）冇。（係咪生日飛Aka？）冇咁嘅事。」