C AllStar兄弟班睇波

組合C AllStar昨日出席鐘錶品牌艾美錶活動，成員On仔透露中學開始有玩花式足球：「我試過40分鐘個波唔落地，『的』咗二千幾下，不過都係十幾年前嘅事，依家有時喺球場等人都會玩吓。」On仔又指四人最難忘是2013年一齊去巴塞隆拿睇球賽，釗峰笑言人生第一次與球王美斯距離不足十米：「九萬幾人一齊睇又真係好震撼，入球嗰下隔籬啲人唔識都會興奮到攬埋一齊，我仲畀個鬍鬚肥叔叔攬住。」四子續表示將推出新歌《專業失戀30年》MV，而年尾推出新碟將是首次全情歌。