洪卓立自我抽水再玩死訊

Ken望網民「鍵」下留情，抽水時以「上天堂」取代「落地獄」。

母親擔心得罪人

洪卓立（Ken）昨日與師妹陳凱彤（Lillian）上節目宣傳即將推出的新碟時，笑言數年前曾想過以其「死訊」來拍片：「但公司嗰時反對，依家佢哋就OK。」他坦言曾為此事不開心，不明白為何大家要針對他，後來才慢慢適應，又透露最介意這個玩笑的人是其母親：「媽咪以為我出面得罪人，我用咗好長時間解釋佢聽，當然佢唔會聽我講，佢選擇唔提件事，但我知佢介意。」問到這次拍攝可有告訴母親？Ken說：「我有輕輕提過，同埋呃佢話好Pay。」他希望大家開玩笑時，用字不要太狠：「唔好講話咩落地獄啦！講上天堂都得(o架)啫！」而Lillian表示未出道前亦曾飽受網民攻擊，雖然會不開心，但現已適應。

• 過了新人階段的Lillian已適應網民攻擊。

承諾一直「陪住你」

另外，與Ken拍拖多年的湯怡昨日在社交網上載為男友拍攝的宣傳片，她表示曾呼籲不要認真做一些與男友有關的訪問，因兩人經歷過太多事，容易觸及其敏感淚腺。她於片中談到當年Ken大病入院一事時，忍不住哽咽兼眼濕濕，她對Ken說：「大家一齊咗咁多年，有啲咩未經歷過，但點我都會陪住你。」除了湯怡外，洪媽媽及張敬軒亦有參與拍攝，Ken看到三人的訪問後，忍不住流下男兒淚，非常感人！ 　　　

文：音樂組