陳凱琳怕撬牆腳 質蔡思貝做妹
【陳永峯澳門直擊】無綫劇集《殭》前晚大結局後依然成為網民熱話，昨日與陳凱琳拍攝節目的蔡思貝亦要自薦拍續集，陳凱琳即推薦她做鄭嘉穎的妹妺避緋聞，豈料緋聞女王蔡思貝搞笑說：「我同個個男仔都傳緋聞，你驚唔驚先？」
前港姐陳凱琳（Grace）與蔡思貝昨日到澳門拍攝無綫節目《萬眾同心公益金》，由Grace主演的劇集《殭》前晚大結局取得最高27點收視，平均收視則有25.8點，提到《殭》題材跳出框框，有網民更希望添食，Grace被問到是否也希望《殭》拍前傳或續集時，身旁的思貝竟搶答：「我都想做殭屍！我喺屋企成日同啲狗仔一齊扮殭屍，仲上myTV追晒咁多集，睇完之後鍾意咗謝安琪同刑活著。」Grace則笑言下集找對方做嘉穎的妹妹，向來有「發電廠」之稱的思貝即自嘲：「嘩！咁好大壓力喎！我同個個男仔都傳緋聞，你驚唔驚先？（所以Grace叫你做嘉穎個妹囉！）哈哈，我好勁o架（傳緋聞）！」
曲終人散 謝安琪空虛
對於《殭》的大結局，Grace認為每條線都有交代，問到可會游說正在享受「悠長假期」的女主角謝安琪拍續集？她說：「我知佢依家休息緊，尊重佢決定，覺得呢啲題材都係隔一段時間再拍會好啲。」她還忽發奇想提議與思貝拍《還珠格格》，恨做范冰冰當年未走紅時的金鎖一角，豈料思貝笑說：「乜你咁偏o架！我以前淨係識趙薇同埋林心如。」至於謝安琪在社交網站感謝各方不同聲音，視為成長動力，對於劇集曲終人散，感到既空虛又滿足。
提到不少劇中演員想開拍續集，蔡思貝更自薦做殭屍，監製陳維冠受訪時坦言要由公司決定，自己亦想與不同演員合作。不過，他坦言收視不似預期感失望：「其實今次係想改變觀眾睇劇嘅習慣，唔係喺廚房聽就可以知講乜，真係要追睇先知，作為電視媒體要不斷去試。」此外，另一劇集《火線下的江湖大佬》上周最高收視有30.2點，平均收視則有24.4點。
文：影視組