雷頌德加重人情味 開枱吔飯
近年轉攻室內設計的雷頌德（Mark），曾替不少藝人包括方力申設計家居。他去年更豪花七位數購入工廈單位，親手打造理想Studio，除有器材齊全的錄音室外，還特別設有休息小角落，硬軟兼備！細心的Mark更特別設計大圓枱讓工作人員舒適地吃飯，為Studio添加一份人情味。
熱愛設計的音樂人雷頌德（Mark），去年豪花七位數購入逾千呎面積的火炭工廈單位，親手打造星級Studio。Mark坦言工廈最大的優點是有16呎高的樓底，空間感十足之餘，加上開放式設計，令一室單位更為寛敞，他謂：「樓底咁高，錄出嚟嘅聲會大啲，闊啲。我特別設計咗樓梯，行上去係休息嘅地方，高高低低，好豐富。（有家嘅感覺？）因為我長時間喺度做嘢，要好舒服先得，以前後生時仲會喺Studio瞓，不過依家唔會喇。捱唔到，亦唔好要所有人都同你一齊捱，要考慮人哋，所以我寧願將工作帶返屋企，自己捱眼瞓。」
獎座放滿走廊
從Studio大門一入，就可見地上兩旁已放滿Mark在音樂上獲得的獎座，經過這條「榮譽走廊」後，便到錄音室。錄音室是Mark視為最重要的部分，故這部分他特別請來專家為他設計，比起以前用隔音棉，今次特意採用更為慳位的隔音油漆。而另一重要的部分是飯枱，Mark說：「以前新蒲崗嘅Studio用咗八年，冇設計到飯枱，我覺得好失敗。工作人員冇得坐得舒舒服服咁食飯，呢度唔同，我喺中間位做咗張圓枱，方便開會之餘，又可以當飯枱食飯，前面裝有電視，可以睇新聞。」Mark又笑言工廈內的鄰居，有開茶道，亦有做設計、開Studio，每年工廈都會舉行開放日，家家戶戶打開門任人參觀，令他大感有趣。
文：Tracy Leung
攝：吳文聰
化妝：Jennifer Lau @ Make Up For Ever Acadme