柳妍熙製六千曲奇氹長者

歌手柳妍熙（Shay）昨日在旺角街頭出席打氣活動發布會，活動收益會捐作興建學校，幫助小朋友。Shay坦言喜歡小朋友，已計劃結婚要生一仔一女：「因為我係獨生，好孤獨。（依家可有對象？）好想有，但冇，做嘢太忙，希望多啲機會識男仔。」她表示以前家人會催婚：「會話我表弟、表妹已經結婚，點解我仲未？但依家佢哋好理解，知做藝人需要事業為重，所以順其自然。」
柳妍熙氹得公公婆婆笑逐顏開。
柳妍熙氹得公公婆婆笑逐顏開。

Shay日前趁母親節，親手炮製約六千塊曲奇餅送給一千位長者，並到老人院探訪：「用咗三日時間整，今次都係第一次整餅送畀佢哋，佢哋讚整得幾好食。嚟緊都希望探多啲老人家，每次探訪就諗起自己去世嘅公公婆婆，以前冇乜時間陪佢哋，所以當咗老人家係自己公公婆婆，希望令佢哋開心。」

柳妍熙支持籌款幫助小孩就學。
  • 柳妍熙支持籌款幫助小孩就學。
柳妍熙親手炮製愛心曲奇。
  • 柳妍熙親手炮製愛心曲奇。