「黑天鵝」李宇春被嘲着垃圾袋

荷里活大導演史提芬史匹堡（Steven Spielberg）執導的本屆康城電影節非競賽片《The BFG》，前日舉行首映禮，粒粒巨星捧場，兩位內地影星李宇春和早前未能成功踏上紅地氈的男星井柏然亦有出席。

激罕透視半球

第四次獲邀參加康城電影節的李宇春，今年在造型上來個大突破，染了銀灰頭髮的她，穿上法國設計師Julien Fournié打造的黑色訂製服，deep V開到落肚臍，罕有透視半球，但卻被網民指裙子黑到反光，膠味十足似垃圾膠袋，不過亦獲內地傳媒讚賞似黑天鵝般高貴亮麗。李宇春走在紅地氈上自信地擺甫士拍照，內地媒體指她佩戴的閃爆鑽飾價值高達1,700萬人民幣（約2,000萬港元），至於井柏然則西裝骨骨，夠晒型仔。

透視半球的李宇春，被何國鉦讚着得靚，指她平胸但有線條。（Getty Images圖片）	井柏然終於成功踏上紅地氈。（Getty Images）	鞏俐

何國鉦讚新鮮

昨日本報邀請時裝設計師何國鉦品評現身康城的華裔女星裝扮，對於李宇春的黑皮裙造型，他讚靚，亦力撐不似垃圾膠袋：「我覺得佢carry得幾靚喎！裙襬體積好大，駕馭咁嘅衫唔易，佢今次揀咁女性化嘅衫，好有新鮮感，前面咁性感落到肚臍，但一啲都唔肉酸，如果佢胸大反而唔靚，佢胸部大細好適中，雖然有啲人話佢平胸，但我覺得佢有線條，唔係平晒，黑色好襯佢平日風格，襯埋灰色頭髮，成件事好靚。」

倪妮	李冰冰	何國鉦

至於日前亮相的其他華裔女星，何國鉦覺得鞏俐擁有外國人的身形，穿貼身晚裝好看，是次所穿的晚裝顯得她很瘦，至於內地女星李冰冰和倪妮，兩人不約而同束起髮髻，他認為高下立見：「李冰冰個感覺有啲古典，但髮髻出事 ，好老土，大殺風景，佢着起呢件大露背裝，估唔到佢個背咁好肉；倪妮都係束髮髻，但就modern好多，佢又deep V又露腿，有兩個亮點，皮膚白，望落去好舒服，好得體。」

文：外娛組、名人組