陸永爆囡囡識唱歌

組合農夫、歌手Kellyjackie及發燒碟歌手歌莉亞昨日擔任為母親而設的歌唱比賽評判，他們大讚一眾媽媽級參賽者。問農夫成員陸永會否讓太太參賽？他指太太沒甚麼表演欲，反而個女更有可能：「如果有《囡囡好聲音》就應該有機會。（囡囡鍾意唱歌？）佢唱到，不過咬唔到字，但跟到個音，《殭》成首歌佢都識唱。（訓練佢？）唔會，順其自然。」另一成員C君即笑說：「佢訓練？Rap就得。」工作忙不停的他們透露稍後到外地拍攝節目，八、九月則推出唱片，並希望辦巡迴表演：「之前同張達明做嘅棟篤唱騷，可能會喺東南亞做。」