自拍王周潤發 破世界紀錄
向來對攝影很有要求的「Selfie King」周潤發，就連自拍技術都爐火純青！昨午他偕郭富城及梁家輝與一眾粉絲自拍挑戰世界紀錄，期間他於3分鐘內不停按動手機攝影快門，惟完成第1次挑戰後他自爆：「有啲『甩手』，中間有幾張唔得，不如再試多次，唔該幫我熄呢排燈（指了指頭頂）」，等我試試先。」結果第2次終成功與131人逐一自拍，且共影了1,576張相，雖未正式通過核實程序，但相信已順利破世界紀錄！
城城食飯愛Selfie
事後周潤發匆匆離場，留下城城及家輝孖住受訪，城城笑指Selfie已是時下熱門的社交手法：「我都成日自拍，有時去打邊爐，都會同個鍋影張相。（同咩Selfie得最多？）咪係火鍋囉！（人呢？）我助手，因為收工通常都係佢陪我食飯。」他又透露最近忙於在馬來西亞拍戲，雖然天氣炎熱，但他仍與火鍋為伴。
至於梁家輝被問及愛女再被拍得拍拖照，他笑說：「都唔知你哋影到乜，所以冇辦法答到你哋。（都係啲行街咀嘴相啫！）佢唔會咁嘅，我同佢行街都冇咀嘴，我諗你哋認錯人喇！」
文：影視組