佗孖仔 李心潔落Order 老公停工陪產
影后李心潔自懷孕後專心在老家馬來西亞安胎，至昨日才為善事「出山」，腹大便便的她估計已懷孕7個月，並宣布腹中孖B是男孩。她坦言現時連走路也有困難，說話更會喘氣，而老公彭順已答應陪入產房，見證重要一刻！
娛樂圈最近喜事連連，繼台灣女星徐熙媛（大S）前日誕下兒子後，李蘊、關心妍及鍾嘉欣等的星B亦正排隊出世，而正專心養胎的影后李心潔昨日難得「出關」，支持與楊采妮及許茹芸等好姊妹創立的慈善教育基金。
久未露面的心潔容光煥發，但坦言佗孖B甚為辛苦，除走路困難外，連說話也會喘氣，故已甚少出席活動，但由於是次活動主要為基金籌募資金，作為日後為小朋友舉辦英文班及課外活動之用，故她堅持現身支持，並趁機胎教，望腹中孖B明白「施比受更有福」的道理！
望B仔住耐啲
談及雙胞胎的性別，心潔大方說：「係兩個小男孩，產期就係秘密，因為佗雙胞胎關係，所以產期好難講，但大家唔使擔心，我會盡量保持身心安定，畀兩兄弟喺我個肚入面多一陣啦！」她決定留在老家馬來西亞分娩，問到丈夫彭順會否陪伴進產房，她冧爆說：「當然！唔係我唔生啦！佢啱啱拍完電影，所以下半年唯一工作就係陪伴我直到生BB啦！」她笑指連負責接生的醫生亦心情緊張，已預先把自己的手提電話號碼給她，叮囑她若有問題即致電聯絡。
文：影視組