Dear Jane恨踩黎明個場
樂隊Dear Jane昨日出席活動，四子表示最近在錄製新歌，亦正籌備兩個Show：「六月會有一個Live Show，我哋依家叫啲網民、觀眾喺有意義嘅地方影相，再講番個地方嘅故事，依家儲緊啲相，到時會揀啲人出嚟參加我哋個Live。」
談到香港表演場地較少，他們覺得場地足夠，但要更努力做好宣傳：「反而係啱Band嘅場地少啲，之前黎明搭嗰個幾好（中環海濱長廊），如果可以永久就好喇！」四子透露九月將於九展開騷，笑言這次資源多，可以考慮更多音樂以外的事：「今次可以諗吓啲衫，又可以諗吓請Dancers，對燈光又可以有啲要求。」