超蓮怕阿媽鬧謝絕緋聞
賭王何鴻燊三房千金何超蓮昨日出席《零殘害．無動物測試慈善相展》，超蓮姍姍來遲，但她否認遲到：「我冇遲，一路跟大會call time。」現場展示六幅超蓮的相片，她透露花了兩日時間拍攝，而父親還未看過照片：「佢哋送咗大相架畀我，我會逼佢掛喺房。」
超蓮剛過25歲生日，大會即場預備了生日蛋糕補祝壽星女，她謂生日時全女班去了韓國旅行三日，問點解唔預男朋友？她說：「都冇男朋友點預。（咁多追求者？）全部朋友。」至於前男友吳克羣、緋聞男友柯震東有否向她送上生日祝福？她說：「有send短訊。（會否舉行派對請佢哋？）唔會，唔想有太多花邊新聞，驚畀媽咪鬧，依家主力做嘢先，出街盡量全女班。」
超蓮表示其生日願望是工作上有成績及有自己餐廳，問到餐廳是哪類型？她說：「唔講住，希望年底可以開到，但我唔會做大廚，會幫手設計餐牌，家姐超雲都會幫手。」