婷婷撐童童咀女
藝人謝婷婷、蔡穎恩及名模Amanda S.等一同出席美酒活動，婷婷身穿黑色低胸裙現身，記者稱讚她身材苗條，她說：「我日日做唔同運動，打網球、gym、打拳同瑜伽。（有冇拉埋欣宜一齊做？）佢成日都做運動，佢好勤力。（影到你去佢餅店幫手？ ）唔係幫手，不過我好支持佢。」
此外，問到她有否聽「阿嫂」王菲女兒竇靖童的音樂？她指自己未有機會聽，但身邊很多人都讚童童歌藝，提到童童與女友當街kiss的報道，她力撐說：「如果真係拍拖係好正常，一段認真開心嘅感情，又唔係當眾做乜嘢，我覺得kiss係好sweet。（你係咪支持同性戀？ ）我好支持同性戀，最重要係真感情。」
同場的藝人鄭希怡就謂產女後喝少了酒，談到女兒「梁浸浸」深受歡迎，她笑說：「佢係幾得人鍾意。（母親節過得開唔開心？）都開心，老公特登買禮物畀我，好sweet。（幾時追第二個？）遲啲先，我一路都冇諗住再生，因為我同老公都冇兄弟姊妹。」
此外，甚少出席公開活動的名人葉澍堃兒子葉瀚華也有現身，被追問跟緋聞女友苟芸慧的關係？他強調大家只是好朋友，但覺得對方為人不錯又玩得，而擇偶條件就要心地好。