電台主持朱薰前日剖腹誕下重六磅一安士的女兒譚在之，現時正在休養的她昨日接受電話訪問時透露大仔有抱妹妹，又讚囡囡有「佛樣」：「好祥和，成個佛仔咁樣，朋友都話佢個樣慈祥。（老公有剪臍帶？）有，佢形容似剪牛雜。」她指今次比起生第一胎順利：「上次係緊急開刀，好似未體驗得清楚，今次多好多時間，可以慢慢等下一步。」問到會否再追多個？已育有一子一女的她笑言「夠晒皮」：「生一個要湊都好攰，今次圓咗爸爸心願，佢想要女。」
