琦琦鼓勵囡囡識Man爆男友
【林希孺深圳直擊】影星任達華與太太琦琦、o靚模仙樂都及梁家仁等昨日現身深圳，出席電影《澳囧風雲》開機活動。任達華表示今次是為好友撐場，又透露將於年底出任導演開拍電影，問會否安排太太客串？身旁的琦琦聞言即笑說：「我都係做佢影迷好啦！自己鍾意睇戲，做屋企嘅專業影評人，囡囡都鍾意睇，佢好鍾意Man嘅演員。（囡囡揀Man爆男友？）都好呀，Man嘅男仔都有責任心，相信佢會搵一個爸爸咁Man嘅男人。」
仙樂都則透露將參演電影，但未知演咩角色：「想做護士，因為細細個就覺得呢個職業好有使命感。（暑假再出寫真？）唔出喇，上年話係最後一本。（依家有人追？）之前有，依家冇，因為好煩，對方成日追魂Call，覺得好討厭！」同場更有資深演員梁家仁，他透露仔仔梁皓貽為新片出任導演，實行父子合作。
