藍男反串鐵達尼男前女後

藝人王祖藍與老婆李亞男結婚一年多依舊恩愛如昔，不時孖公仔出巡之餘又在網上大晒恩愛合照！但由於祖藍近年忙於北上發展努力搵真銀，以致兩人聚少離多，想造人都冇時間。不過祖藍亦相當識做，把握工作空檔，近日就帶老婆去馬爾代夫旅行補數。亞男在網上晒出多張當地靚相，去到陽光與海灘，人妻亞男都「大解放」，激罕晒出性感白色三點式泳衣照，大騷纖腰及美腿，相當吸睛！
扮《鐵達尼號》的王祖藍由高妹李亞男從後擁抱，搞笑又浪漫。
扮《鐵達尼號》的王祖藍由高妹李亞男從後擁抱，搞笑又浪漫。

祖藍勁Enjoy

另外，亞男與老公祖藍重現電影《鐵達尼號》的經典甫士，不過睇亞男張相，男女主角似乎被掉轉，相中見到亞男反串從後抱實祖藍，祖藍就張開雙手勁Enjoy，唔通亞男覺得自己太高，怕企前面會遮住老公？

李亞男激罕大解放，着三點式晒身材。
  • 李亞男激罕大解放，着三點式晒身材。