摷咩呢？莊端兒亂摸洪永城

洪永城（Tony）與前珠寶小姐莊端兒昨日到九龍灣出席活動，剛與藝人張致恒（Steven）甩拖的莊端兒，以Tube Top配短褲谷出心形胸，E Cup導彈名不虛傳！玩遊戲時，Tony穿上掛了多枚玩具手榴彈的背心，任由蒙眼莊端兒亂摸「拆彈」，當場「紅都面晒」！事後他死撐：「唔尷尬，玩遊戲啫！（紅都面晒喎？）我有突變咩？本身曬呀！（怕女友唐詩詠呷醋？）唔會，工作嘛！」

追求者唔啱Feel

談及早前與詩詠到台灣旅行，他說：「去咗3、4日，畀好熱心嘅旅客影咗相，其實都係去食吓嘢、行夜市，佢鍾意食。（旅行慶生當禮物？）都算嘅，另外都有送禮物，但留啲私隱畀我。（順便預支蜜月？）咁又冇！」

摷下面 莊端兒在洪永城身上亂摷，小心人哋女友呷醋喎！	摸上面	後面都唔放過

至於莊端兒提到與太陽娛樂文化老闆周焯華的緋聞，她說：「同佢唔熟，唔知點解咁傳，我只係同佢喺活動上見過面，影過合照，傾咗幾句，冇佢電話號碼。（Steven為緋聞好嬲？）感情事唔好問我。（公司要你戒拍拖？）公司對我好好，唔關公司事，係我想將感情低調。（有冇人追？）成日都有人追，但未有啱嘅，有好多私信話好仰慕我。（同Steven有冇機會復合？）感情嘢唔講，但我有請教佢打機。」

洪永城	喂喂！咪博懵喎！（設計對白）

文：影視組